CA REL USIH

                     

                                          CA REL U SIH!
                                       
             Minung pumpak a thancho mi kan si ve khawh nak ding ah cun carel hi pakhat ah ai tel ve hrim lai.Cucu el awk a tha lo mi asi. Rel ve hmanh an lem lai. Zei thil poh hi tuah hlan ah cun a thawknam thei hi a har. Kawl hla sak thiam le hla phuah thiam Ptr. Saan Pi nih hiti hin a phuah"Mah pum pak nih ton hnu lawng ah a thawknam theih asi"ati.Cu caah duh sah tein rel lengmang law an lem hrimhrim lai.


1. ZEITIN DAH CA REL NIH AN KAN LEM KHAWH LAI?
             Ca rel nai timh tik ah zuamnak te he na thok lai.Na zuam a hau.Cun na rel ding mi kha a theih a har tuk mi si cun na lung a dong lai.Cu caah nai thok ka ah cun na rel zuam phun te,nangmah na lung an la ding mi kha nai thim lai.Cu hun lawnglawng ah a har mi ah na kal kho lai.
*Degree ngei cio cio ah carel le rel lo cu an theih mi ai dang deuh hrimhrim lai.
*Hruai tu ciocio hmanh ah carel le rel lo cu an i dang deuh hrim lai.
*Ca rel le ca rel lo cu theih hngalh nak ah an i dang deuh hrimhrim.

 2.CA KAN REL TIKAH ZEITIN DAH KAN REL LAI?

               Zei tik hmanh ah ca kan rel mi hi a za te in kan cinken kho lai lo.Cucu a fiang mi asi.Cu caah ca kan rel tik ah kan pawng ah Note book(Diary) le bawlpen kan i chiah chih lai.Kan rel mi chung in chinchiah awk a tlak mi tete kha kan Diary ah kan tial colh lai.Hnu deuh ah ka tial lai ti hlah!Na philh sual lai.Cu kan i tial nak thawng in hmai lei caan a herh nak um tikah van zoh than khawh lengmang asi.Cun kan tial mi thawng in i chinchiah nak kan ngei deuh fawn lai.

 3. KAN REL DIH CANG MI TEH ZEITIN KAN TUAH LAI?
                Voikhat ah mi ekinn ah ka ee i an ekinn ah ektawpherh hnawh nak tiah The Chinland Post,The Hakha Post an chiah mi ka hmuh i ka sia a rem lo ngai.Kan rel dih cang mi cauk le cazual pawl hi kan hlonh ding bak asi lo.Kan i chiah lai i kan duh caan ah van rel khawh than asi.Cu caah cauk chiah nak kan ngei lai.Cu ka ah kan chiah hna lai.Kawl nih"fimnak cu ca ah a um" an ti bang kan cauk rel cang mi zeirel lo le kan hlonh men si cun FIMNAK zei ah kan rel asi hnga.
                  Cu caah kei cu catang ngei ka si ti hlah laica in tial mi cauk thatha tam tuk a chuak cang.Ca hi rel ve hmanh na theih lai.Kawlram catial thiam Kawng Thanh(ကောင်းသန့်) nih a tial mi cu "Ni khat ah hmaikhat lengmang in ca rel law kum khat ah cun hmai 365 a chah mi na rel lai" Cun "Nikhat ah hmai khat lengmang in ca tial law kum khat ah cun hmai 365 a cah mi cauk pakhat na tial khawh lai"a ti.
               
             A dongh nak ah mifim pawl bia roling le an chim mi chung in tlawmpal van langh ter ka duh.

1.Abraham Lincoln hi kan theih cio mi asi.An si afak i sianginn hmanh tha in a kai kho lo mi asi nain ca arel tuk ve caah a theih mi a tam i avoi (16) American Presidenh asi ko.

2.Winston Churchhill zong sianginn a kai ah hin ca a thiam lo tuk i tangruk asi ah ai phuak.A si nain Polatic lei le ca phuntling a rel fuam tuk caah a dongh nak ah cun British ram hruai tu ah ai chuak ko.

3.Kan kawlram luatnak ah a kan hruai tu Bochok Aung San zong College tiang lawng a kai mi asi ko nain carel a fuam,ram chung chuak le ramleng chuak ca a rel lengmang caah luatnak ah a kan hruai tu pa bik asi ko.

4.U Thanh zong boih a ngah ve mi asi lo nain ca a rel tuk ve caah UN hruai tu tiang a phan ko.

 4. CAREL NAK HE PEHTLAI IN MIFIM BIA HNA

1.Greek mifim Marcus Iullias Cicero nih BC 130 hrawng ah a rat chim mi cu "Cauk a um lomi ihnak khan cu thlarau a um lomi taksa pun he ai lo" ati.

2.Horace Mann nih cun "Cauk aum lo nak inn cu thlalangawng a um lo mi inn bantuk asi" ati.

3.W.P Whippe nih"Cauk atha tuk mi ka cawk ah cun mifim tukmi pakhat a caw mi ah kaa ruah" ati.

4.Austin Phelps nih"Angki hlun i hruk law,cauk thar caw tuah" ati.

5.Abraham Lincoln nih cun "Meng 50 vuak vel chung ah cauk aum mi cu ka rel dih hna"ati.

6.Thomas Jefferson nih "Cauk a um lo cun ka nung kho lo" ati.

              A dongh nak ah mifim pawl bia roling le an chim mi chung in tlawmpal van langh ter ka duh.

1.Abraham Lincoln hi kan theih cio mi asi.An si afak i sianginn hmanh tha in a kai kho lo mi asi nain ca arel tuk ve caah a theih mi a tam i avoi (16) American Presidenh asi ko.

2.Winston Churchhill zong sianginn a kai ah hin ca thiam lo tuk i tangruk asi ah ai phuak.A si nain Polatic lei le ca phuntling a rel fuam tuk caah a dongh nak ah cun British ram hruai tu ah ai chuak ko.

3.Kan kawlram luatnak ah a kan hruai tu Bochok Aung San zong College tiang lawng a kai mi asi ko nain carel a fuam,ram chung chuak le ramleng chuak ca a rel lengmang caah luatnak ah a kan hruai tu pa bik asi ko.

4.U Thanh zong boih a ngah ve mi asi lo nain ca a rel tuk ve caah UN hruai tu tiang a phan ko.

5.Abraham Lincoln nih cun "Meng 50 vuak vel chung ah cauk aum mi cu ka rel dih                                           hna"ati.

6.Thomas Jefferson nih "Cauk a um lo cun ka nung kho lo" ati.

7.U Thanh nih "Ca a rel mi miphun cu an thancho i a thancho mi miphnu cu ca an                                   rel" a ti.
           Acung lei mifim pawl chim mi kan zoh/rel tikah ca rel hi a tha ti cu an langh ter ko.Cu caah carel cu fim nak taktak asi ko.

                   #Today a reader,tomorrow a leader#

                   Arel tu nan cung ah lawmhnak tampi ka ngei.