FIMNAK! NUNLAM HRUAITU

                                             FIMNAK!
                                     NUN LAM HRUAI TU
          Fimnak cu cawnnak in ai thok.Fimnak nak nih hngalh nak a chuah pi.Cu hngalh nak nih cun rianttuan thiam nak a chuah pi ve.Rianttuan thiam nak nih cun minung kha donhhlei cung ah a cawi.Donhhlei cung phak hnu cun minthat nak le upat nak nih a zulh corh ve.  

       
 Fimnak hi Mirang nih "Wisdom" an ti i,Latin holh "Educare" biafang in a ra mi asi.A sullam cu chuak lak in hruai/hunh ti nak asi.Cu caah fimnak hi kan nun lam hruai tu ah a biapi tuk mi asi.Fimnak cu hmuh tonmi (Experience) le theihhngalhnak(Knowledge) fonh mi kha hmunkhat te ah hman thiam hi asi.
1.Fimnak Nih Thilthar A Chuahpi
     Vawlei cung mifim thiam hna nih fimthiam nak ai thlen ning hi phunthum in an tthen.BC 900 in AD 1650 tiang hi lothlawh le satil zuat chan asi an ti.AD 1650-1950 tiang hi sehlei tthancho chan.AD 1950  ahnu lei hi fimthiam chan(Knowlege ages) an ti.Mah chan hi Computer le Electronic chan an ti.Vawlei thancho ning zoh tik ah 1944 kum ah Atom bom an rat tuah i  cu hnu kum 10 a rauh hnu 1955 ah Russia nih  Statellite a rak ser.Cu hnu kum 15 hnu 1970 in Computer thiam nak a chuak.1980 hnu in cun  information  chan(IT) ti asi cang.A hlan i thilthar a chuah nak ding ah a kum kum in a rau tawn mi kha atu chan ah cun nikhat hmanh a rau ti lo.A ruang cu fimthiam nak asi ko.Cu caah vawlei le kan khuaram a thanchon khawh ve nak ding ah cun FIMNAK hi biapi ah chiah a hau hnga.
2.Kawlram Fimnak Tlawmpal Zoh Hmanh Usih
     1962 kum Tawhlanzi Konsil nih nawlngeih alak hnu in fimnak hu thlen ai zuam.Kawlram fimcawn nak ai theih cem kum hi 1964 kum in asi.1920 in dirh mi Yangon University cu 1960 ah cun Asia ram nichuah thlanglei ah cun a ttha bik a rat si.Asinain 1962 March 2 ah Pu Ne Win nih uk nak alak hnu July 7 ah Student Union innpi cu bom in a den.Cu hnu in i huat nak le rem lo nak a chuak.Sianghngakchia an dawi dih hna.Cu caah 1962 in 1988 tiang a tu le tu te sianginn an khar.1964 kum fimcawn nak an thlen mi nih University fimcawn nak cu a hram in abongh i a  hrawh dih.
    Cu caah kan ram fimnak cu hun a tolh i a tu tiang kawlram fimthiam nak hi a sawi thai.Hi chung ah ai tenh ve mi nih fim nak hi biapi ah chia than hna usih ti sawm buin.....