Tlangrua(B)/ khuathar cu 1977, April, 12 ah khuahlun in rak i tthial asi.Cu kum cu inn sarih lawng an rak si.Khuahlun ah cacawn a rak si ko rih.Kum 1979 cun minung le inn zong a hung karh deuh cang caah mah tein cacawn cu rak thok asi.
Cawnnak sianginn rak ngeih rih lo asi caah Pu Len Ling inn ah rak cawn asi.Cu lio i cachim tu saya te cu Sayamah Pen Cuai le Saya Khia Pum nih an rak chimh hna.
Kum 1980-81 cacawn kum ah cachim tu saya te cu Thangaw khua in Saya Ca Lian Thang le khua in Saya Khia Pum an si.
Kum 1981-82 cacawn kum cu Sihhmuh khua in Saya Thang Kio le a bawmtu ah saya Hre Lian nih an chimh hna.
Kum 1982-83 cacawn kum ah khua in Saya Sang Haih le a bawmtu ah Saya Hre Lian nih an chimh hna.
Kum 1983-84 caawn kum ah Kuhchah khua in Saya Al Chum le a bawm tu ah Saya Khia Pum an si.
Kum 1984-85 cacawn kum cachim tu ah Saya Al Chum le Thantlang in Sayamah Khuang Thluai nih an rak chimh hna i khua in Saya Sang Haih nih dawt nak in a rak bawmh ve hna.
Kum 1985-86 kum cu khua in Saya Khua Hnin le Saya Hre Lian nih an rak chimh hna i kum 1985 kum dih lai December,12 ah cozah nih sianginn tling pek kan si.Cu kum ah sianghngakchia an dihlak 77 an rak si i tangli pa 11 nih camipuai an rak phih i pakua(9) an awng.Cu kum 1985 , December, 28 ah cozah sianginn on nak cu rak tuah a rak si.Thantlang lei in bawi a rak tlung mi hna cu; Sang Vung, Huat Chum, Mang Tial, Hrang Hu, Za Kham, Tin Cung hna nih a rak kan on piak i Naa, Caw le Vok rak thah asi.
Kum 1986-87 cacawn kum cu Paletwa peng in a rak i thial mi Thantlang khua mi Sayakyi Hrang Pum nih sianguk a tuan i a leng in Saya Ram Er(Aleng cachim) nih a rak bawmh.
Kum 1987-88 cacawn kum cu Sayaakyi Hrang Pum ai thial i a mah can-ai ah Paletwa peng in a rak i thial mi Zephai khua mi Sayakyi Ling Ceu nih a uk i a bawm tu ah khua in Saya Lal Chum le Saya Hre Lian nih an rak bawmh hna.
Kum 1988-89 cacawn kum ah Sayakyi Ling Ceu , a bawmtu ah cozah nih a van chiah mi Sayamah Sui Cia an si i Saya te an i phakzawh lo caah khua in Saya Lal Chum nih a rak bawmh ve hna.
Kum 1989-90 cacawn kum cu Sayakyi Ling Ceu le a bawmtu ah Saya Khua Hnin(cozah) ansi.Kum 1990-91 kum ah Sayakyi Ral Cung le a bawmtu ah Saya Khua Hnin an si i khua chung in Saya Hre Lian nih a bawmh hna.
Kum 1991-92 kum ah Sayakyi Ral Cung, abawm tu ah Saya Khua Hnin le a leng in Saya Lal Chum rak lak asi i thlahlawh ah facang pung 40 an rak pek.Kum 1991 October 15 ah Saya Khua Hnin cu Salen khua an rak thial i a mah canai ah Saya Tin Aung a rak kan pek.Kum 1992-93 cachim hna cu saya thimh hna le a leng in Sayamah Sui San rak lak asi.A thlahlawh ah 600Ks/- an rak pek.
Kum 1993-94 cacawn kum cu Sayakyi Ral Cung pensen ala i a mah can ai ah Vomkua khua in Sayakyi Van Kung nih a van thlen.1993 kum, January, 5 in riantuan a thok.Aleng in Sayamah Par Hluan rak lak asi i kumcheu lawng a tuan caah a mah can-ai ah Saya Thang Lua lak than asi.Sym Par Hluan cu Ks-600 le Sy Thang Lua cu Ks-300 an thlahlawh anrak si.
Kum 1994-95 kum cu sianguk ah Sayakyi Van Kung , a bawmtu ah Saya Tin Aung an si i, a leng in Sym Ngia Tling (Ks-600) in lak asi.
Kum 1995-96 kum cu Saya Tin Aung Hriphi ah aithial caah a mah can-ai ah Sayamah Ngun Tin Par an rak chiah.A leng bawmtu ah Sy Ling Khia (Ks-800) lak asi.Hi kum ah cozah nih vawlei laisen rak tuah asi i khuabawi Pu Hrang Awi le a dangdang zuamnak thawngin 1996, Feb, 24 ah rak hmuh asi.Kum 1996 kum ah Sayakyi Van Kung cu pensen a la i Paletwa in Sayakyi Za Mawng nih a tuan.A bawmtu ah Saya Khia Pum asi.1997 kum ah Sayakyi Za Mawng cu Middle Saya(JAT) ah arian a kai caah 17,9,1997 kum in Sayakyi Lam Bawi nih Sianguk a van chan.A bawmtu ah Saya Ngun Vung le Sym Ngun Hia an si.1998 kum, sykyi Lam Bawi le a bawmtu ah Sy Duh Lian an si.
Kum 1999 kum , July thla ah Sayakyi Lam Bawi pensen a la i a mah ca-ai ah Sayakyi Naan Aung nih a chan.Hi kum ah Saya Biak Hlei Thang cu a leng cachim tu ah anlak.Hi kum thiam ah Middle sianginn cheu hmuh asi i cachim tu pawl hna cu Saya Zung Mang,Sy Lian Tin Thang,an si i nu le pa le Saya te August thla ah Mi-bah-meting an tuah i Say Mawng Khin an lak chap.
Kum 2000-01 kum ah Tangriat tiang on asi i Saya Ca Lian Thang, Saya Lian Tin Thang, Saya Mawng Khin le Sym Za Nawn hna hi a leng cachim tu lak an si.2001 Jan, in Tihbual khua Sayakyi Nann Aung cu ai thial i Sayamah Ngia Tlinh a tlaih chung.2001 July in Sayakyi Van Hre nih sianguk a tuan.July 10 ah Sayamah Ngun Hia cu Ttuai-phet in a van chiah.A leng a bawm tu ah Saya Ca Luai, Sym Ngun Dar le Sy Josep hna an si.
Kum 2002-03 kumah aleng cachim tu ah Saya Thawng Hnih Thang, Sym Siang Len Tial, Sy Hre Lian hna an si.2003 kum ah hin tangsarih sianginn tling kan hmu i 3, Sep, 2003 ah Saya Bawi Hrawng a kan pek, cozah nih.Cun Oct, 9 ,03 ah Sym Sui Iang Tial an van chiah ve i sau um manh lo in Jan, 2003 ah Ruabuk ah a kan thial tak.Sayamah Ngun Hia pek thai kan si.
Kum 2004-05 kum a leng cachim tu ah Saya Khar Hmung le Sym Biak Hlei Par an si.2005-06 kum zong a leng cachim tu ah Sym Biak Hlei Par le Sym Sung Par an si.2006-07 kum ah cachim tu hna; Saya Sang Biak Hmun le Sym Mah Aye an si.2007-08 kum ah Saya Uk Hre Lian le Sy Thang Ting ansi.2008-09 Sym Ling Iang le Sy Cung Za Uk ansi.2009-10 kum ah Sy Cung Za Uk lak than asi.
Kum 2010-11 kum ah Thantlang khuasa Sym Dawt Tin Cuai lak asi.2011-12 kum hi Sayakyi B.Ed a kai caah Sym Ngia Tling nih tlaih chung.A leng in Sym Dawt Tin Cuai(Ks-50000) le Saya Solomon(Ks-30000) lak ansi.Syakyi Van Hre cu Khuahrang ah JAT in aithial caah amah can-ai ah Hriphi in Sayakyi Khua Hnin ara.
Kum 2012-13 cu Sayakyi Khua Hnin a bawmtu ah Sym Ngia Tling, Sym Ngun Hia, Sym Ni Cuai le Saya Bawi Hrawng hna an si i aleng in Sy Thawng Za Uk le Sym Van Cer Thluai an si.Hi kum ah SRG(Bethlehem) Nubu nih sianginn caah phaisa Ks-100000/- an hlut hna.2013 kum ah Sy Thein Kyaw le Sym Hniang Cin Sung hlan asi i Sy Thein Kyaw cu june le July lawng a kai ah cozah rian a hmuh caah Sy Thawng Za Uk lak than asi.2014-15 kum cu Sy Thawng Za Uk le Sym Ni Tin Sung hlan an si than.July, 1, 2014 kum ah ani ca tuan ding in Thantlang khua in Sym Tuan Tin Sung cu a kan pek.
Kum 2015-16 cu cozah sy/m an mah ning an si i aleng in Kyarinn khua in Sym Nann Tuza asi.Hi kum hi tangsarih a kai mi an um lo.2016-17 cacawn kum zong Sy Thawng Za Uk le Sym Mint Mint Aung an si.Tangsarih a kai mi an um thiam lo.
Kum 2017-18 kum ah Drawun in a tuan mi Pu Hre Lian cu May, 15 in kumtling pensen a la i ai din.Hi kum hi tang6 le tang 7 kai lo in kan um kum asi.
Kum 2018-19 cacawn kum ah Saya Bawi Hrawng cu Thantlang ah a kan thial tak i Saya Ram Bawi le Sym Myat Tita Tin a kan pek than.July ,9, 2018 ah Drawun Hre Lian can-ai ah Van Biak Cung a kan pek.Hi kum hi cozah nih Laica tang 1@ 2 tiang cawn nak nawl a pek caah laica chim tu ah Pi Hniang Cin Sung ,Daw Ngun Dar le Nungak Len Sung nih an chimh hna.Khua nih thlahlawh pek lo in an kai i cozah nih laksawng in a pek hna.
Kum 2019-2020 cacawn kum i Saya/mah te hna cu Sianguk Doi Thai,Sym Ngia Tling, Sym Ni Cuai, Sym Ngun Hia, Sym Tuan Chin Sung, Sym Tha Hnem Sung, Sym Myat Tita Tin, Sym Biak Tha Iang,Sy Ram Bawi Thang le Drawun Van Biak Cung hna an si.Cun Post-Primary sianginn cu Middle sianginn(Middle sianginn kan hmun nak kong cu adik thlir in a kan van langh ter than te lai) a kan pek i Sayamah pahnih, Sym Nan Tu Za le Sym San Da Win a kan pek chap.
Biakilh; ; Atu i ka tial mi hi sianginn(Cawng-ta-maang-saauh) i record an chiah mii ning te in le aitlak ning ka ka leh i ka tial mi asi.Ka palh mi a tam pi ko lai.Aruah zia ka thiam u law, ka palh naktu kha upa hna le a thei mi hna nih" ka zawn kha kha ti khan asi" tiah van ka chim uh law ka van remh than lai.Cun atu i anung rih mi kan pa le nan kan thih tak dih tikah ah nan fa le nih khua tuanbia kan theih khawh peng nak ding hrimhrim ah cauk ngaih hi a herh ko tiah, tinhmi lianpi he tialmi a si fawn.
Tinhmi; ; Atu bantuk in ka tial chan cu hmailei ah khua tuanbia cauk thial le chuah si kho te seh law, olzang tein van lak le van copy khawh colh ding ah bawmtu a si sual hnga maw tiah ruahchan nak he tial mi asi.
Theihding; ; Atu ka van langhter mi ah hin sainginn lei (Saya/mah) te kong deuh lawng asi i, Sianginn sak nak zong van hlat i van khawmhsuat than kai tim.Zeimawzat cu ka khawmh fawn cang.I bawm cio hna usih law tangrual ti hna usih ti zong sawm kan duh hna.
Bethsy Pa
Facebook Search box ah ``CTL-Technology´´ tiah tial law Like rak pe ve.
Ka catial mi pohpoh na sin a phan peng lai...Like pe ding in kan sawm hna..
No comments:
Post a Comment